Tuesday, July 14, 2009

Nav-Vivahit JoRha--Ek hasya Kavita

Nav-Vivahit JoRha
_________

Nav-Vivahit JoRha
scooter par
Chala ja raha tha !
Unhe dekh....
Man-chaloN ka dil
Jala ja raha tha !!

Achanak...!!
Scooter ne,
Bas kho diya tha saNtulan,
Ik taraf Gire miaN ji
Doozi taraf thi Dulhan !
Drishya kuchh aisa tha,
Pati-patni chhitar gaye the
Ang-ang sadak par
Bikhar se gaye the
Thhithhak kar logoN ne,
TuruNt DouRh lagaayii
Patni ko uthha ...
Poochha...
Bahin ji..kahiN chot to nahiN aayii ?
Ye dekh miaaN ji ne ik Guhaar lagayii..
'Arey, bahin ji ke bhaaiyo
Koi idher bhi to aao
Tumhara jeeja Bhi Gira paRha hai
Koi isey bhi to uthhao !!!!



Harash

Wednesday, July 8, 2009

Dil MeiN jwala Mukhi

Mere bane alochak
Kabhi mitra rahe the mere
Ab chhoRh kavita apni
Jwala ugle
Swere-swere

ShabdoN meiN ab wo mere
kutch shabd
Is tarah tatol rahe haiN
Mitt jaooN maiN,
vaqtaoN se
kuchh is tarah se bol rahe haiN
Jo Geet murjha gaya tha
ab phir se laga mahekne
WaqtaoN ne ek na maani
phir dil laga dahekne…

Jaane kyuN unhe ab
Har Nazm
kyuN khalti hai
Waastav meiN
Unki nazer meiN
hameiN kavi kehna hi ik galti hai

Akhir freedom of speech hai
Kon rok sakega
Har shaks khud khuda hai
Bhala kon tok sakega

Ab kya kaheiN hum yaro
yahaN sab chalta hai
JokeroN, shikhandiyoN, dalaaloN se
Shayad
Unka ik ik review banta hai.



Harash

Wednesday, June 24, 2009

कविता का स्वरुप

Kavita Kya hai
__________________
Dosto…aap sabhi ko Harash ka adaaab….. kaafi logoN ke aagreh per..aaj apna ek editorial ek thread me pesh kerna chahta hooN….Iss khoobsoorat Bazm meiN kutchh bhi dhaala jaaye woh kam hai….Kavita ke bare meiN jaankaari se muje umeed hai k sabhi kikritiyoN main sudhaar ka izafa zaroor hoga …..
MaiN iss mehfil meiN who sab daalne ki koshish kerooNga job hi aajtak maine apne GuruoN se paaya hai…..our jo khud bhi izaad kiya hai…..wese toh main likhne ya baataane wala aisa koi bhi hunar nahiN rakhta …lekin ache Gyaan-kertaoN ki soubat meiN reh ker our zer-e-saya job hi hunar mila who yahaaN apne lafzoN meiN aapke saath takseem kerna chahta hooN….
Hindi ki kavita ho ya Urdu ki nazm ..dono per laagu hoti hai…
Iss lekh se kavita ke bare me sandes maatra hi dena chahooNga….jo bhi is se faayda uthhana chahe uthha sakta hai…isme likhe tat.v koi aise tat.tv nahiN jo kitaboN ya pothhiyoN me mil sakeiN….ye lekh bas apne jeevan ki yatra se prerit ho..our beete lamhoN se prapt tatvoN ka Gyaan bhar hai….Koi jaroori nahiN aap is se ang-rath hoN
Ya aap isey apni shaily meiN dhaaleiN….
Jo Achha lage usey apna lo.Jo bura lege usey jaane do…..
Kavita kya hai
KAvita ki shuruaat kya honi chahiye..
Kavita kaise aage badni chahiye
Usme kon se tatv shaamil hone chahiye
Kavita ka roop kya hona chahiye..
Kavita kaise khatam honi chahiye
Uska saar kya hona chahiye..
Bahoot si baate haiN jo hamaare Zehen ko pareshaan kerti haiN…..in batoN ko agar hum dhyaan se padeNge toh Yaqeenan kutchh prapt kerne ki koshish kareNge…..

Sabse pehle toh yahi kehna chahooNga k…kavita likhna koi aasaan kaarya nahiN hai.
Our kutchh lines ko shabdoN meiN dhal dena hi bas kavita ya nazm nahiN hai….
Iske bhi apne kutchh usool haiN…bina usooloN meiN likhi koi bhi tehreer kavita nahi ho sakti…ye usool kutch buniyaadi haiN..our kutchh be-bunyaadi..our kutchh kavitakaaroN/urdudaanoN ne hi baanye haiN…

Kavita mehaz lafzoN ka pulinda nahiN hai……

KavitaayeiN/nazmeiN..hamaare kavya bhaag meiN aate haiN………

Hamarii shailly prabhaav shaali ho, drishya Gudgudaane waale hoN..ya Krodh, Harsh, utsaah aadi bhaaavoN meiN hoN..man ke bhaavoN ko vyakt kerne ki shakti shaamil ho..
Jo waakya aapke mann ke bhaav ko spasht na ker sake who kavita meiN shaamil hone laayak nahiN hota….

Jitne kam shabdoN meiN bhaav vyakt kiye jaayeiN wahi Kavita ke swaroop ko shringaarit kerte haiN….

Ye ek aisi Vidha hai..jis se hum aapne ya doosroN k bhaavoN ko taraNgit ker doosroN ko suna sakte haiN….ye vidha se hu daya, prem..utsaah bhaiy(dar) vismai, shaanti tatha waatsalya bhaav aadi utpann kerke bata sakte haiN….

Kavita ke liye zaroori hai..ke us me Rass shamil ho..rass ka matlab jise padne se aanand ki prapti ho…isey hum shravya-kaavya bhi keh sakte haiN….lekin ye bhi teen type ke hote haiN….Gadhya, padhya our chappu..


Hamaare kaam ke liye sirf Padhya hi hai….

Jo RAchna shabdoN meiN baaNdh ker likhi jaaye our gaayii ja sake usey padhya ki parisbasha meiN rakhte haiN….

Ab kavitaaoN ki shreni kya haiN..ye jaan lena bhi jaroori hai….bahoot se kavigan bahoot achha likhte haiN…lein who ye nahiN jaante ke unki kavita kis shreni meiN aati hai..unki kavitaaOn ka kya bhaav hai…

Aisi KavitaayeiN ya rachnaayeiN jo swatantra(indipendent) hoti haiN, kisi kahaani se sambandit nahiN hoti Muktak kehlaati haiN….

Kai haamre saathi our lekhak…Gadhya our padhya ka mishran likhte haiN…woh chappu ki shreni meiN aate haiN..unhe hum kavita/nazm ka naam nahiN de sakte….

Ab kutchh aisi baate jo hamaari kavita ko shriNgaarit kerti haiN….

KAvita kahaaNi ka roop nahiN honi chahiye….
Kavita ki shuraat aisi honi chahiye ke reader usey bandd sa jaaye…
Kavita ka Unwaan aakarshit hona chahiye…jo reader ko padne ke liye uksa de….
Apne bhaav jitney kam shabdoN meiN de sako kavita ki value utni baRh jaatihai..
Lambi kavita ek kamzore ouzaar hai….is se yahi praptit hota hai ke who apni baat kam shabdoN meiN hastaantrit nahi ker sakta…iska matlab ye nahiN ke who kavita nahiN?..par kahaaNi-numa kavita kabhi bhi award lene yogya nahiN hoti….

Kavita ko ache se shriNgaarit kerna ho…toh chhand/alankaar use kerne chahiye….

Toh sabse Zaroori baat Kavita meiN ab tak yahi hui ke….

Kam shaboN meiN Ziyada our Gehri baat…….

Kavita Saral honi chahiye
_________

ShabdoN ka chayan saral our sarthak ho...mushqil shabd..shrotaoN ko apni taraf aakarshit nahiN kerti...

HameiN aise shabdoN ka istemaal kerna chahiye jo readers ko samajhne meiN saral hoN...apni kitaabi hindi ya apne ko achha gyata saabit kerne ke chakker meiN Kavita ka marm na kho deiN...
______________

Kavita Ki Safalta
__________

Kavita tab poorn hoti hai---- jab kalam-kaar ----jo bhi message apni kavita ke maadhyam se dena chahta hai----woh usi roop meiN shrotaaoN tak pahooNche......

Aisa nahiN ke jo aap kehna chahte haiN woh sirf aap hi samajh rahe hoN

likhne ke baad usey ..shrota ki hasiat se zaroor avlokan kareiN

VyaNjan
_____________________
Dosto "Suibject vishesh" boring na ho..beech-beech meiN kutchh kavita ki pari-paati bhi shuru ker di jaaye toh achha hai.......


Kavita ki jaan kavita meiN chhupe bhaav per munassar hota hai.....seedhe saadhe lafzoN meiN likhi gayii kavita deergayu nahiN hoti...kutchh samay ke baad lupt hone lagti hai...

Seedhe-saadhe lafz means....direct quoting.....

Jaise..


Dhobi ne Gadhe per
Wazen laad diya
Namak tha usme
Meri moorkhta toh dekho
usey
neher ke raaste dhaal diya

Indirect quoting......

ya phir hum yuN kaheiN
In GadhoN ke demaag meiN kutchh baith.ta hi nahN k....


Pehle waale meiN 'Gadhe' shabd ka arth ek pashu vishesh se hai...

Our doosre sentence meiN 'Gadhe' shabd se arth 'Moorkh' liya gaya hai....
Metaphorics use kerne ki kala agar shamil ho toh sone meiN suhaga ho jata hai...


Ab isi per ek doosra udhaarhran hai ..jana mana sentence.....

Abla jeevan ! haai tumhaari yahi kahaani
Aanchal me hai dood aakhoN me paani.

yahaan PER AAP DEKHIYE...shabdoN ka meaning kaise...asal meaning ko darshaate hue alag sa meaning liye hue hai.....jaise khaane Vyanjan hoN toh kitna swaad ata hai..isi prakaar...kavita meiN vyanjan daal diye jaayeiN toh dekhiye inka prabhaav....

ooper likhe Vyangaarth ka matlab toh dekhiye....

Hey naari jeevan...Tumhaari katha ka sar yahi hai k tumhaari chhati meiN dood our ankhoN meiN aansoo rehte haiN ! YahaN dood se vyangaarth hai 'vaatsalya' our aankhoN meiN paani se matlab hai ki vireh/vichhoh/separation aadi se utpann hone waali 'karun' awastha !...
Ab ye sab Vyanjan shakti dwara hi utpann hua....

Rass
_____________
Ek bahoot hi zaroori baat..KaviganoN ke liye..Jo maiN pehle bhi ooper keh chuka hooN...Achhe kalam-kaar jinki kavitaayeiN logoN ko padne meiN achhi lagti haiN...Un lekhakoN se bhi agar poocha jaaye ki aap itna sunder likhte haiN....aapka bhaav kya hai...kin bhaavoN ko vyakt kerne meiN tumeh achha lagta hai.....ya phir kin bhaavoN ko aap vyakt kerne meiN aaraam mehsoos hota hai....
Toh woh bataane meiN asmarth ho jaate haiN....
KyuN?
Sirf is liye ke woh logoN ko nahiN parte....bhaavoN ko nahiN samajhte....sirf likhna our post ker dena.....
Kavita sirf..likhna our post ker dena bhar hi nahiN hai.....
Kavita jab mukhrit hoti hai..toh woh aapka vyakti.tv samete hue hoti hai....woh batati hai ke aapka character kya hai....aapka wazood kya hai....aapke istemaal kiye gaye shabd aapki respect ko jhalkaate haiN....
Kavita kabhi bhi post kerne ke liye nahiN likhni chahiye......Kavita toh jab apna aakaar khud banaaye toh hi patal per aani chahiye....
oh hum baat ker rahe the..k rass kya hota hai? our ek vyakti vishesh kis ras meiN likhta hai usey maloom hona chahiye....
Agar aap kisi manch per apna kavita paath kerne ke ja rahe hoN..toh koi poochh baithhe..ki tum toh naye ho...kis rass meiN maharath hai ?..toh aapko maloom hona chahiye ke aap kis vidha ke kavi haiN.....
For example...
Kaka hathrasi...hasya kavi ke liye mash-hoor maane gaye haiN.....
___________

________________

Rass ko samjhaane liye mere paas ek chhota sa example hai.......

Jab hum koi naatak ya film dekhte haiN ya koi novel padte haiN.toh hum apne ko bhool ker kutchh paatroN ke liye vishesh roochi rakhne lagte haiN...hum zaroor kisi ek ki taraf ho jana chahte haiN...kis ki jeet our kisi ki haar ke liye lalaait ho jaate haiN.....unke sukh-dukh ke saath ban jaate haiN....our aisa anubhav kerte haiN jaise ye sab hamare jeevan se sambadit haiN...aisi awastha meiN hum talleen hoker ek prakaar ke anand-vishesh ka anubhav kerte haiN..isi anand-vishesh ko rass kehte haiN....


____________

Kutchh hint dubara repeat kerne zaroori haiN...
I Repeat
___________________

kavita aisa madhyam hai, jisse hum doosro tak apne mann ki baat pahuncha sakte hai. kavita se kavi ki aatma ki sunderta ka pata chalta hai. vah itni gahri chees hai ki iska arth poori tarah se samajhna namumkin hai....

Ek our baat....

Agar kavita meiN bhavnaiye na hoN toh Kavita sirf tukhbandhi reh jati hein.
Our tukbandi kabhi kavita nahiN hoti.....isliye tukbandi ko kavita samajh ker khush-fehmi meiN nahiN rehna chahiye...kavita ke marm meiN jhaaNkne ki zaroorat hai.....


______________________________

'Bhaav'/Rass
Definite Emotions.....isthaayii bhaav

Jo emotions/bhaav hamare heart meiN ya dil meiN seed/beej roop se chhupe hote haiN...our woh bhaav/emotions kisi Jagah ya waqt ko dekh ker prakat ho jaate haiN unhe hum isthaayii bhaav kehte haiN....

Ab ye bhaavoN ke type/prakaar dekhiye......

1.Rati/prem/shriNgaar rass
2. Hraas/hasya rass
3. Utsaah/veer rass
4. Ghrinaa/veebhats rass
5. Vairagya/shaant rass
6. Shok/karun rass
7. krodh/roudra rass
8. bhai9dar0/bhayanak rass
9. vismai/adhbhut rass
10. watsalya/waatsai rass

Ab in rassoN meiN...aap kis meiN aate haiN..ye aapko apni rachnaoN se maloom ho jaayega....

InmeiN se koi bhi bhaav agar aapmeiN jaaga hua hai.....our kutchh likhte waqt woh jaga hua bhaav agar teevra ho jaaye....toh wahi aapka bhaav hai....

iska matlab ye kataii nahiN ke aap baaki bhaav ke kavi nahiN haiN.....har insaan ke man meiN alag alag samay meiN alag alga bhaav bhi aa sakte haiN..per woh kutch our laghu waqt ke liye hi aate haiN......uske baad us insaan meiN wahi isthaayii bhaavka sanchaar hone lagta hai......

______________

Ooper rassoN ke baare meiN detail dene ki maiN zaroorat nahiN samajhta..kyu k saanketik shabd hi apne aap meiN arth liye jue haiN...Phir bhi shanka ho toh pooch sakte haiN---------

Kavita ka swaroop
___________

Kavita ka swarop nirbhar kerta hai uski soundaryata par !
Woh Munassar hoti hai...unmeiN istemaal hone waale ....

ChhaNd our Alankaar per


Our ab ye ChhaNd our Alankaar kya hote haiN in per hum ek chhoti tippani dena chaheNge....Kyu ke iss par charcha kerna ek khand-kavya ikhne ke baraber ai...

Jin logoN ne hindi meiN is per Gyaaan liya hai unke liye sehaz hai kavita meiN soundarya laana...lekin iska ye matlab kataii nahiN ke doosre log iske kaabil naiN....

Wese toh kavita har jan ke mann meiN hi mukhrit hoti hai.....

__________________________

Alankaar
_________

AlaNkaar..........jis se kavya i.e kavita, nazm , Ghazal aadi ka shriNgaar hota hai usey alankaar kehte haiN.....

Shabd our arth hamaari kavita ke shareer haiN
Rass iski aatma hai..........

KavioN our hindi ke gyataoN ne...alankaar ko isliye do bhagoN meiN baanta hai

1. Shabd-alankaar
2. Arth-Alankaar

1.----Hum hameshaa apni kavita meiN achhe shabdoN ki taalash meiN hote haiN...kyu ke hamari kavita ka soundarya baRhe...

Iss jagah prayewaachi shabdoN ka paryog zaroori ho jata hai....metaphorics kavita ki jaan hote haiN.....


2----JahaaN shadoN se chamatkaar na ho sake..wahaaN arth se usey poora kiya ja sakta hai.....

Jaise...

Sabne achanak Vaishya ki our dekha........

IsmeiN Gehra arth chhipa hai.....apni agli line tak isme vismai bhodhh chhhipa hai....

____________________

ChhaNd Preechai
Chhand ke baare meiN ek sankshipt pareechai
____________________________

Dosto ye bhaag.....ChhaNd pareechai ka hai.....jo kavita/nazm/Ghazal ke liye ahem hai..iske bina kavita adhoori hai....agar ye nahin//TOH SAMJHIYE TEHREER KI JAAN HI NAHIn.........

hAR INSAAN KABHI NA KABHI AKELE HONE PER gUN-GUNATA HAI our usme tanmai hoker anand mehsoos kerta hai.....is tarah Gungunaate hue achanak usey ek lai(behr) ka anubhav hota hai jo ander se hi uske sun ne ke swaad meiN hota hai....usmeiN kai meethe shabd shaamil hoker apne aap mann se nikalne shuru ho jaate haiN....ek leher se nikalne lagti hai

Ab usme lai ke saath GAti our yati shamil hone lagti hai...

Gati ko aap samjh sakte haiN..jab hum gaate haiN...toh usmeiN suvidha ke anusaar ek nishchit gati per rukna ya morh dena....jis se gaayan ki suvidha bani rahe our shringaar bhi kaayam rahe....kaanoN ko achha bhi prateet ho...is se gaayan meiN madhurta aa jaati hai.....

__________________

Hum jo bhi jaane anjane meiN...kavita nazm ya Ghazal Geet likh jaate haiN..ya Gunguna jaate haiN....us sab meiN chaNdoN ka hi maiN role hota hai..agar hum inhe achhi tarah samajh leiN toh samjhiye.....aap achhe kavioN ke shreni meiN apne aap ko khaRha paa sakte haiN......

__________________________________

hamari kavitaoN meiN ya GhazloN meiN behr ka kya role hai..In chhandoN dwara samjhaane ki poori koshish kerooNga....Shayad meiN samjhaane meiN kaamyaab ho sakooN......

_________________________

Ab yahaaN se hamara asli saffur shuru Hota hai.............


Beh'r kya hai...............Ya yuN kahiye ChahNd kya hai

Aapne suna hoga apne Ghar meiN jab aap Radio ..'On' kerte haiN......toh ek sureeli awaaz aati hai....

Ab aap Mommad rafi dwara Gaya shakeel badayuni ka chhand baddh kiya nagma suniye....

Ye ChhaNdh-badhh matlab...beh'r meiN prastut kiya hua.......

________________________________________

Ek sachha kavi
__________

Dosto Gyan ke saath saath..beech beech meiN mahoul halka kerne ke liye..kutchh zaroori baateiN haiN..unnhe samajhna bhi zaroori hai......

Gur Shishya Relationship


YahaaN sabhi lekhak haiN..koi bahoot achha likhta hai our achha keh leta hai...our kutchh naye haiN jo abhi likhne ki koshish meiN haiN...our kutchh aise haiN...jo likhte toh bahoot haiN per sach meiN woh likhte kutchh bhi nahiN....sach baat toh ye hai..ki unhe maloom hi nahiN ke woh kya likh rahe haiN.......

Doosri baat.....kavi hameshaaN dil se hota hai...kehne se kabhi koi kavi nahiN ban sakta....suna hoga..'honhaar-birbaan ke hot cheekne paat'......ek achha kavi khud hi apne lekhan se pehchaan liya jata hai....our jo chori ker ke likhta hai woh bhi do ya chaar postings ke baad pehchaan liya jata ha...kyu k kavita ke bhaav hi bata dete haiN..k ye bhaav us vyakti vishesh ke hai ya nahiN...bhale hi kisi ne unhe toka na ho....Our jo insaan Chori ki rachna likhta hai..woh Zindagii meiN kabhi kavi ki paribasha meiN bhi nahiN aa sakta ....Khuda unke apne bhaavoN ko bhi Gart ker deta hai....our Jo ye Ghinouna karya kerte haiN...woh ander se ye sab jaan jaate haiN....ke ye kala unmeiN smapt ho chali hai......

Teesri baat.....Jo bhi lekhak jab is vidha ki our aakarshit hota hai...toh koi na koi wazeh zaroor hoti hai......lekhak jo bhi bana ye taraNg usmeiN pehle se hi mouzood hota hai tabhi woh kavitaoN ko padta hai our anand leta hai.........Contd

__________________________

Naya lekhak Pehle doosroN ki kavita ko padta hai...phir anandit ho...khud koshish kerta hai kutchh likhne ki....Jo lekhak apne Guru ko pehchaan deta hai....woh bahoot jaldi agrasar hota hai....our jo insaan Guru ka bhi Gyan khud ka Gyaan batata hai..yaane jis se seekha..usi ka Guru ban.ne ki koshish kerta hai...woh apne Gyan ko wahiN rok leta hai...Guru hameshaaN apne shishya ki aakaanshaoN ko aage baRhata hai....
Our Bin Guru Gati na koi
Jinka koi Guru nahiN..woh sach maaino meiN poori Gyaan shakti arz nahiN ker paate....
Aap jiz tarah se labhaaNvit hote hoN...us per nat-mastak hona chahiye....unko batana chahiye our man.na chahiye ke usne unse ye sab seekha....jaise Elavya ne Dronacharya se chhup ker dekha lekin...Guru Dronacharya ko hi mana.............
lekhan ek pooja hai...iski pooja kerni chahiye....jab bhi hum kalam uthaayeiN..usey nat-mastak ho apne Guru ko yaad ker lekhan shuru kerna chahiye....phir dekho..aap kahaaN se kahaaN pahooNchte hai.....VicharoN ka ambaar apke aage se hota hua kalam ki raah pahoonchega....
____________________

ChhaNd/Beh'r kya hai

_________________

Ab dhyaan rahe ..apni vidha ko naya ayaam dene ke liye iss lessoN ko samajh lena bahoot zaroori hai ...aisi baateiN aapko kisi bhi kitaab meiN nazer nahiN aayeNgii...
Our maiN apne paathkoN se ye phir kehna chahooNga....iss mou'zuu per maiN jo bhi likh raha huN ye meri apni raai hai...aap isey achha samjheiN toh apna sakte haiN..Verna aap isey ignore ker sakte haiN....
____________________

Chhand sambandi paribasha....

Matra----Matra kya hoti hai

Ek mool swar ke uchharan meiN jitna samay lagta hai usey matra kehte haiN !!

Dosto..aap ye socheNge..k matra ko yahaaaN samjhane ki kya zaroorat mehsoos hone lagi.....?

Yahi swar haiN jinki wazeh se ya yu kaheiN jin per hamari kavita ya Padhya lekhan munassar hai......
_________

Ab samay ke hisaab se dekha jaaye...toh
laghu swar ki ek(one) matra hui
Our
Deerg swar ki do (two) matra hui.
_________________

Ab 'araam' shabd meiN

a= 1 ek matra
raa= meiN 2 matra
m= meiN 1matra hui

ab hum aisa keh sakte haiN ek-maatrik varn ko 'laghu' kehte haiN
Deerg matra waale varn ko 'Guru' kehte haiN
___________________

Shayad yahaaN tak aap samajh gaye hoNge......

Phir bhi maiN ek our koshish kerta hooN ki kisi Song ko nazer rakh aapko samjha sakooN.......

Ek song aapne suna hoga......

Chalo ik bar phir se ajnabi ban jaayeiN hum dono

ab is line ko hum VarnoN ko matra se dekte hai.....

Ch=1
lo=2
ik=2
baa=2
r=1
phir=2
se=2
aj=2
na=1
bhi=2
ban=2
jaa=2
ye=1
hum=2
do=2
no=2

ab ye achhand/beh'r yuN hui

1222 1222 1222 1222

jab poora senetence likha jata hai toh do ekmaatrik swar mil ker laghu se Guru ho jaate haiN... ban meiN b=1 our n=1...ye dono milker Guru ho gaye....

aj ke liye shayad itna kaafi hai..iski khud practice kerne ki koshish kereiN

_____________________


आज एक प्रश्न और याद आया जो यहाँ बताना चाहूँगा ..
ये शब्द  "और" को कैसे break करते हैं |

mujhe bhi beginning meiN is word ko break kerne meiN kafi confusion rahi hai .. kyunke bolne meiN iska weight 21 lagta hai .. lekin isse aik long syllable hi maana jaata hai 

"au"r eik aisa word hai,jis ki taqtii flexible hai aur ise 'ur' aur 'aur 'donon tarah bol sakte hain.
Contd........

________________
नीचे के लिंक पर क्लिक कीजिये और उस पर जाइए .....

1.
ग़ज़ल शिल्प ज्ञान --१
1.a
शिल्प-ज्ञान -1 a
2.ग़ज़ल शिल्प ज्ञान --2 ........नज़्म और ग़ज़ल
3.
ग़ज़ल शिल्प ज्ञान --3
4.
ग़ज़ल शिल्प ज्ञान --4 ----कविता का श्रृंगार
5.
ग़ज़ल शिल्प ज्ञान --५ .....दोहा क्या है ?
6.
ग़ज़ल शिल्प ज्ञान --6
7.
ग़ज़ल शिल्प ज्ञान --7
8.
ग़ज़ल शिल्प ज्ञान --8
9.
ग़ज़ल शिल्प ज्ञान - 9
10.
ग़ज़ल शिल्प ज्ञान - 10
11.
ग़ज़ल शिल्प ज्ञान - 11
12.
ग़ज़ल शिल्प ज्ञान - 12

Monday, June 22, 2009

SougwaroN meiN mera kaatil sisakne kyu laga

________________________
SougwaroN meiN mera kaatil sisakne kyu laga
Ik bejaa koshish hai dil meiN khanzer chubaane ki

Tire dil ne hi rah-e-mohabbat chuna tha magar
Ab kyuN kerte ho koshish dil meiN Gum sajaane ki.

Jaate-jaate keh gaye the tum nahi aaoge kabhi
kyuN kerte ho koshish khwaboN meiN bhatkane ki

Bahoot diye haiN ashq tumne tohfe bana-bana ker
Jee bhar ke koshish karooNga ab uneh tapkaane ki.

ChhoRh ker tum bhi gaye mujhe meri kismat ki tarah
Pyaar bhi be-sabab tha Our fikra thi zamaane ki.

KyuN chaha maine chaaNd ko woh toh sabka tha
Saza mili mujhe koshish jo ki dil meiN sajaane ki

Ab toh utar chuke ho dil se is tarah kya kahooN
Ke zaroorat bhi nahiN lagti tumeh ab bhulaane ki



Harash

Wednesday, May 20, 2009

Ajeeb hai ye duniyaa tawaaifoN ki tarah ai dost


_________________________

Ajeeb hai ye duniyaa tawaaifoN ki tarah ai dost
Har pal jo badalte rahe chahne wale tamam umr



Harash

Monday, May 18, 2009

Saraai

Saraai

__________________

MaiN Ek Saraai hooN,
JismeiN
Sukh-Dukh
Aate haiN
Thehrte haiN
Chale jaate haiN !!


Harash

Sahara


Sahara 
Chaiye Muzhko
Magar
Aisa nahiN?
JyuN
Baadal se Giri BooNd
Bijali ke taar par
Pal bhar ruke
our Gir pade!! 


Harash

Thursday, April 30, 2009

Jhumka (Punjabi Nazm)




Jhumka




Kash maiN tere kann da jhumka hunda
tere kann ch hamesha jhoolda hunda
Raatti be-khabri naal kade machal jounda
tere kann choN maiN nikal jounda
jadd tadke teri zulfaaN cho girde phull musse l
tu tadapadi mere layii ho ho ke gusse
tum labdii mmennuu bistar de vattaN vich
maiN murh murh ohde ch chhup chhup jaunda
Vekhda main tadap mere layii
terii ugaliyaaN da sake jad mmannu ounda
Kann toh harhij na utaardi mennu
judayii v kade na hundi gawara tennu
kash maiN tere kann da jhumka hunda



kisi post toh prerit ho ah prastuti likhi hai umeed hai pasand aaugii


--Tum aaye toh lagta hai Husn ka didaar hua
Aashiq tire bahut ik shaks our bimaar hua.

***

Woh nahiN hai mera magar maine ikraar kiya hai
Ab Sach kahuN toh uski bagawat se pyar kiya hai

***


Harash

Kaisa hai ab shor yahaaN par, dikhte haiN ghabraye log


Kaisa hai ab shor yahaaN par, dikhte haiN ghabraye log
DooNda karte pyar yahaNpar  sadiyoN se thhukraye log.

Bik jate imaan yahaN per bik jati haiN neeyat bhi
Zarra-zarra Loota humse, jab-jab milne aaye log.

Khatam hue haiN jazbe dil ke khatam hue saaer ahsaas
Apne hi kaaNdhoN par phirte apni laash uthhaye log.

Har InsaaN ke dil meiN uth.ta pyaar ka ik aisa tufaan
Jiske bahaane jee paate haiN hum jaise pathhraye log.

Kafan adhoora lakdi adhoori adhoora apnoN ka imaan
Chita se uth.ti aag se dekho Ghar ka deep jalaye log.


Harash

2222 2222 2222 2222
Beh'r- mutdaarik musamman maktuu'a shaanzdah rukni

-KhayaloN me mere Agar tum na hote


KhayaloN me mere Agar tum na hote
Yaqeenan Guzarti umar rote-rote.

YuN likhte hue 'Gum' qalam dagmagaye
Thaka huN ai sahil ye hunar ddote-ddote.

paher aakhiri jab shab-e-hizraN beeti
Lute is kader hum saher hote-hote.

HaiN dushman mire is jahaaN me bahut ab
Bachi hai na ziNd dar bader hote hote.

Falak per sitare yuN aaheiN bhi bharte
Jo dekheiN mire armaN zaher hote-hote.


Harash

122 122 122 122
Beh'r mutkaarib musamman saalim

***

एक तरही ग़ज़ल पेश है....काफी अरसा पहले कही थी....


ख्यालों में मेरे अगर तुम न होते
यकीनन गुजरती उम्र रोते-रोते |

यूँ लिखते हुए 'गम' कलम डगमगाए
थका हूँ ऐ  साहिल ये हुनर ढोते-ढोते |

पहर आखिरी जब शब्-ए-हिज्राँ बीती
लुटे इस कदर हम सहर होते होते |

हैं दुश्मन मिरे इस जहां में बहुत अब
बची है न ज़िन्द दर-बदर होते-होते |

फलक पर सितारे यूँ आहें भी भरते
जो देखें मिरे अरमान ज़हर होते-होते |

..............हर्ष महाजन

122 122 122 122
Beh'r mutkaarib musamman saalim


 

Wednesday, April 29, 2009

- Ek Sher


Kitni Rahat Mili hai Dil toot jaane ke baad
ZiNdagi se jaa mile Mout ke aane ke baad

Sunday, April 26, 2009

Chura loonga tera jamaal jara sambal ke rakho



...
 
-Chura loonga tera jamaal jara sambal ke rakho
Husn ho chala tera kamaal jara sambal ke rakho
.
Behak na jao mere ishq ke saroor maiN ab tum
chatpataye na mera khayal jara sambal ke rakho
.
Jawaab jinke nahiN hai meri mohabbat ke siva
chashm pooche jo sawaal jara sammbal ke rakho.
.
Hunar hai tera le gaye tum dil ki gehraiyoN maiN
kajal na looN tera nikaal jara sambhal ke rakho
.
Tum aks laakh chupate raho ai 'harash' magar
Samajh looNga dil ka haal jara sambal ke rakho.


Harash 

http://shayriapni.30.forumer.com/index.php?
-MaiN jab bhi aata hooN dil ko saja ke rakhti ho
Badan Gulaab toh dil maikeda bana ke rakhti ho.

bahoot azeez hai mujhko tilism teri nazroN ka,
Sharbati aankhoN maiN jab jab saja ke rakhti ho.

Kadam fisal na jayeiN mere husn tire shabab se
saja ke kitne gulaab dil maiN chhupa ke rakhti ho.

Raah na bhool jaooN kabhi andheroN maiN yarab
shayad tum isi liye dil ka diya jalaa ke rakhti ho


Harash 

-Aadmi ko chaahiye,apne liye do gaz zameeN,
Jaane phir kyuN doondta hai bewajeh dheroN zameeN.

Kaun jaane Zindagi ka ye diya kab tak jale,
Khud hi gamoN ki baad meiN behne lagi apni zameeN.

Banke meethe shabd bheduN kyuN kisi ka dil abas,
Sabka apna aasmaN hai, sabki apni hai zameeN.

Dekh kar aaina khud se bharosa uth gaya,
Beshak khuda se mangta hai ‘harash' ab do gaz zameeN.


~~~~*Harash*~~~~

-Ik muddat baad barsii haiN merii aankheiN kisii kii khaatir
badii muddat baad dil kii zameen phirr se harii hui hai



-Mere har hasieN jalwe tire liye haiN
Par ye sab kabhi batana nahiN tha....

Kyu tum mujh se kahafa rahi abhi tak
Ye kabhi tumeh samjhana nahiN tha....

Ye umra tamaam hui terii raah takte-takte
Ye dard mujhe kabhi chhupana nahiN tha



Harash

-Ki pe gallaN kerde ho dua di aajkal
Log mout da rasta V rok lende ne

Katra katra khoon da, zism choN kad ke
vaheshiaaN vaangu muh naal soukh lende ne.

Aajkal marham da te koi mull hi nahi nimaniye
Log te apneaaN nu hi gard vich chouk lende ne.

Mout da din te pahelaaN hi mukarar ni balliye
samajdaar agle janam pahilaaN hi sanwar lende ne.


Harash

Ek Trahi Gazal

Ek Trahi Gazal

-Ghar chhoRh ke bhi Zindagii hairaanioN maiN hai
Nafrat bhi shola ban ke ab parchhaaiyoN maiN hai.

Dushman bana hai ab mere janam ka raajdaaN
Ab is kader woh dost MeherbaanioN maiN Hai.

Woh be-wafaayii kerke bhi sharmiNda na hua
Baicheni usko our bhi peshaanioN maiN hai.

Royaa kiye jo chashm dekh sitam yuiN gairoN ke
Woh aaj ke iss dour ki kahaanioN maiN hai.

Koi toh de pata Usey merii mazaar ka
Ik umra se ye rooh pareshaanioN maiN hai.



Harash

-Apni in yadoN ko mita kyu nahi dete
jo ja chuki hai bhula kyu nahiN dete

Jinke Zakhmo ko inayat hai teri sahil
unke zakhmN ki dawa kyuN nahi dete

Harash

Chun-chun ke kahi hamne Ghazal apni zubani


-Chun-chun ke kahi hamne Ghazal apni zubani 

Chun-chun ke kahi hamne Ghazal apni zubani
Kutchh tum bhi kaho apni Ghazal apni zubani.

Chun-chun ke..................

Hamko mili har mod pe, bhar-bhar ruswaayii,
Tum bhi kaho kya hai mila , yuiN ker ke bhalaayii,
Har zulm ab kehta hai khud, apni hi kahaani,
Kutchh tum bhi kaho apni Ghazal apni zubani.

Chun-chun ke..................

Dewaana banaa baiThaa tha jab husn pe dera,
is ashiqi ke shole ko ik aag ne Ghera,
ZulfoN ke siyah saaye maiN, ab jalti jawaani,
Kutchh tum bhi kaho apni Ghazal apni zubani.

Chun-chun ke..................

Shatranj ke har khel maiN, hum uzde khade the,
Our taash ke patto ki tarah bikhre pade the,
Jab dekha ,thii har patte pe Ik Ghazal puraani,
Kutchh tum bhi kaho apni Ghazal apni zubani.

Chun-chun ke..................


-Her taraf khauf bhi, gam bhi, shikayat bhi hai,
Zindagi maut ki her waqt inayat bhi hai.

Derta her aadmi se aadmi ab jaane fir kyuin,
Pooja mandir me, masjid me ibadat bhi hai.

Bheed ab roz lage yuin chourahe per kyuin,
Sir-firey ladte hain, ye unki virasat bhi hai.

Serhadein pyar ki yuin toot-ker nafrat faili,
Zindagi maut se badker kyamat bhi hai.

'Harash 'ab khauf gam nafrat ko mita ik din,
pyar wo hai shama, khud ki amanat bhi hai.


@harash



Mere Dil ki GehrayioN ko na chhoona

Akeli haiN, TanhayioN ko na chhoona

Har ik taar toota hai dil ka toh mere
shikistah haiN shehnayioN ko na chhoona

Nichhavar hai Tujpe ye jaaN bhi magar,
Kabhi dil ki GehrayioN ko na chhoona

Kahte hain woh ki shola-badan hooN maiN
Muzhe chhoo ke ruswayioN ko na chhoona

Tumeh yeh GumaaN hai, chhoo loge har shai par
Andhere maiN parchhayioN ko na chhoona.


harash mahajan@copyright





ग़ज़ल
मेरे दिल की गहराइयों को न छूना
अकेला हूँ , तन्हाइयों को न छूना |

हर इक साज़ मेरे दिल का है टूटा
शिकिस्ताँ हैं शहनाईयों  को न छूना |

निछावर है तुझ पे ये जाँ भी मगर अब
कभी दिल की बुराइयों का न छूना |

कहा था किसी ने कि शोला बदन हूँ
मुझे छू के रुसवाइयों लो न छूना |

तुम्हे ये गुमाँ है कि छू लोगे हर शै
अँधेरे में परछाइयों को न छूना |

_____हर्ष महाजन
beh'r
 122-122-122-122

This Ghazal is edited by shri Chaman ji on 25/06/2007

Dil-e-gamzada ko sataoge kya tum


Dil-e-gamzada ko sataoge kya tum,

Muzhe baar-baar aajmaoge kya tum.

ye hum haiN ki ab tak pareshaaN nahiN,
Shab-e-hizra ki taab laaoge kya tum.

Bas itni si ik baat maiN poochhta hooN,
Kabhi muzhko apna banaoge kya tum.

Na chhorenge mar ker bhi daman wafa ka,
Jo wada kiya tha nibhaoge kya tum.

Gam-e-zindagi zindagi ban chuka hai,
Rula ker mujhe ab hasaogey kya tum.

'Harash' aaj mulk-e-adam ko chala hai,
Is baar zindagi main aaoge kya tum.



Harash


-Rukh se hatega parda aaj mere naseeb ka,
Kaisi milegi dulhan aaj lage ajeeb sa.

Bachhpan se ab talak, jehen mein thi basi hui,
Tasweer unki ban gayee mukaddar gareeb ka.

Suna kiye the daastaa.n unke mureedo.n ki,
Kuchh dooria.n hui, magar lage kareeb sa.

Dastak jo na umeedi mein unko diya kiye,
Ye jaankar bhi rishta ab bana saleeb sa.

Jakhmo.n se ban chuka hai dil pe har taraf mahel,
Dulhan wo ban gayee magar lagoo.n rakeeb sa.

Harash

-Aap gar hamko mil gaye hote
Phool do khud hi khil gaye hote

Hamko tum yuin hi ghura kerte ho
Hont toh khud hi sil gaye hote.

Gair sang yuin hi phira kerte ho
Ham yahan khud tal gaye hote.

Kyuin jalane ki baat kerte ho
Ham yaha khud hi jal gaye hote.

Aapki nazron ki inayat hoti
Dil ke perde hil gaye hote


@harash

-Kabra per meri woh shama jalate rahe,
Mout per yuiN hi woh dil behlaate rahe.

Roundh-ker har khwaiish meri panv tale,
Be-basi per yuiN hi woh muskrate rahe. 

AshquoN ki thi tapish jo meri kabra per,
Un se apne zakhm hi sehlate rahe.

Ye soch ker ki aakhiri saya tha main,
Woh toh sar per mout se mandrate rahe.

Ab kabra meiN bhi neend mujhe ati nahiN,
Ik umra se kisse jo hum chhupate rahe.


@harash

Kya soch ker is Shaks ko bhulaya tumne



-Kya soch ker is Shaks ko bhulaya tumne
mire Ghar se hi jalta diya uthaya tumne.


De deke duhaayii apne gamoN ki yahaN
Kya kutchh hamse yuiN chhupaya tumne.


Dikha yuiN bulandhiyaaN Tanha ker diya,

Ye kaisa manzer-e-dard banaya tumne.

Na aoge khaboN me raheiN muntazir toh bhi,

Kambakhat Aisa kya Dard paa liya tumne.

Zakhm khaya hai kahiN, kya khata hamse hui

Salaam akhiri kaise ? dil ko mana liya tumne ?

Dil todne ki jaroorat kahaaN hai 'harash'

Akele yuiN rone ka sabab bana liya tumne ?


Harash