-Bhookhey NaNgey Shaher maiN harsooN baste haiN khaleefe log, 
DooNda kerte har tapke ko thhagne ke tareeke log. 

Mehfil sooni, Maikash sooni, saare soone saaz hue, 
Gum maiN doobey haiN sab itne, bhool gaye saleeke log. 

Manzil nahiN mili toh gum maiN aashiq yuiN pagal hue, 
Torh-torh GuNche phooloN ke, Ujaade yuiN bageeche log. 

Jhooti shaan-o-shoukat maiN ab duniya yuiN mashgool hui, 
Keemti cheezoN ke chakker maiN bhool gaye Galeeche log. 

Muzrim yuiN parwaane ban, jab ghar maiN aa daakhil hue, 
Dewaane ban Jhanka kerte dil ke yuiN dareeche log.




Harash