-Ab dil ke saaz ko saaf-ker, chahe baat ker ya na baat ker, 

YuiN hi aaj nayi ik subah ki, shuru-aat ker na tu raat ker. 

KahiN Gul na ker de dil ko ab, teri be-adab si ye dooriyaaN, 

YuiN hi Ghut ke mer jaayeiN na hum, aise toh na halaat ker. 

Hue ab fakat ik laash hum, chahe door raheiN chahe paas hum, 

YuiN hi toot raha hai dil mera, ab jiyada na sawalaat ker. 

Tum aaoge kabhi lout ker, Manga tha hamne khuda se ye, 

Per ho sake na kabhi mere, kutchh apne toh khayalaat ker. 

Ab ye wafa kya cheez hai, lagta hameiN maloom nahiN, 

In be-wafaaoN se hi ab, dil kehta hai mulakaat ker.

Harash

bEH'R RAJAZ

2212 2212 2212 2212

1212 11212 11212 11212

MIX