Saturday, April 25, 2009

-YuiN na uljho meri zulfoN se o sanam, Pech 0 kham inke pal maiN sulajh jayeiNge.
Samjhoge tum kabhi, meri dadkan ko jab, Khud b khud dil se dil bhi ulajh jayeiNge.

Tere kadmoN meiN dhadkan bichha ke chalooN, Maathe se shikan bhi hata ke chalooN
Ab banaooN naya aashiyaaN khwaboN ka, Tum ishara kero hum samajh jayeiNge.

Na do humko yuiN iljaam kalioN ka ab,Ye toh Girti haiN mere naseeboN se kab,
Hum toh tarse haiN inko lipat jayeiNge,Girte-girte bhi inse ulajh jayeiNge.

Kitne Aziat se tumko yuiN dete sada,Teri saanse meri haiN ai jaan-e-wafa
YuiN rulao na ab, aao ab bahoN meiN,Ye sulagte haiN armaaN jo, bhujh jayeNge.

Bheegi aankho se manzer mileNge kahaaN, Chahat ka samander hai ab toh jawaaN
Tum yuiN sazte raho, hum yuiN takte raheiN, Guzre lamhoN ki yaadoN maiN rujh jayeiNge


Harash