Thursday, September 8, 2011

Ghazal

Bhoole se bhi milne ya milaane nahiN aate
jab waqt padaa dost sayaane nahiN aate.

Sach kehne ka anjaam toh maloom tha lekin,
Sach baat hai ke mujh ko bahaane nahiN aate.

Kis aas maiN kya soch ke kis baat pe jaane,
Hum roothh gaye or woh manaane nahiN aate.

shaayad tire aane ki khabar ho gayee hogi,
be-waj'h to mousam bhi suhaane nahiN aate.

Jaati nahiN duniyaa se mahek jinke sukhan ki,
Aksar hai yaqeeN aise dewaane nahiN aate.
 

Harash Mahajan